साउदी प्रो लिगमा अल इत्तिहादको जित, नासर २–१ ले पराजित
काठमाडौं— साउदी प्रो लिगमा अल इत्तिहादले अल नासरलाई २–१ ले पराजित गर्दै लिगमा आफ्नो अपराजित यात्रालाई थप बलियो बनाएको छ ।
किंग अब्दुल्लाह स्पोर्ट्स सिटीमा शनिबार राति भएको खेलमा इत्तिहादका लागि जर्ज इलेनिखेनाले दुई गोल ग रे। नासरका एन्जेलो गाब्रियलले एक गोल फर्काए पनि टोलीलाई हारबाट जोगाउन सकेनन् ।
इत्तिहादले खेल सुरु भएको चौथो मिनेटमै इलेनिखेनाको गोलबाट अग्रता लिएको थियो। २२औँ मिनेटमा उनैले व्यक्तिगत दोस्रो गोल गर्दै घरेलु टोलीको अग्रता २–० बनाए ।
नासरले ३६औँ मिनेटमा गाब्रियलको गोलमार्फत खेलमा फर्किने प्रयास गरेको थियो। तर बाँकी समयमा दुवै टोलीबाट थप गोल हुन नसक्दा इत्तिहाद २–१ को जित निकाल्न सफल भयो ।
जितसँगै इत्तिहादले पाँच खेलबाट ११ अंक जोडेको छ र तालिकाको चौथो स्थानमा रहेको छ । पहिलो हार बेहोरेको नासर समान पाँच खेलबाट १२ अंकसहित दोस्रो स्थानमा छ ।
