शिक्षक आन्दोलन दोस्रो दिन पनि जारी, संवादको जिम्मा गृहमन्त्रीलाई
विद्यालयहरु बन्द गरेर काठमाडौ केन्द्रित आन्दोलनमा उत्रिएका शिक्षकहरु आज दोस्रो दिन पनि आफनो विरोध कार्यकमहरु जारी राखेका छन । उनीहरुको विरोधका कारण आज देशभर कै सामुुदायीक बिद्यालयहरु बन्द थिए । सरकारले आज एक चरणको वार्ता शिक्षक आन्दोलनकारीहरु सग गरे पनि कुरा निष्कर्ष मा नपुुगेको सरकारले जनाएको छ ।
दोस्रो चरणको संवाद गर्नका लागी उपप्रधान तथा गृहमन्त्री नारायणकाजी श्रेष्ठलाई कुरा मिलाउने जिम्मा दिईएका छन् । कार्यवाहक प्रधानमन्त्री पूर्णबहादुर खड्काका अनुसार सरकारका तर्फबाट गृहमन्त्री श्रेष्ठले शिक्षकसँग कुरा मिलाउने जिम्मा पाएका हुन् ।
श्रेष्ठकै नेतृत्वमा आज बिहान शिक्षकसँग भएको वार्ता निष्कर्षमा पुग्न सकेको थिएन । खड्काका अनुसार आजै फेरि दोस्रो चरणको वार्ता हुँदैछ । उनले अहिलेको अर्थतन्त्रमा थप भार नपर्ने गरी शिक्षकका माग पूरा गर्नेगरी तयारी भएको पनि जानकारी दिए ।
संसदमा दर्ता भएको शिक्षा विधेयकप्रति असन्तुष्टि जनाउँदै हिजोदेखि शिक्षकहरुले काठमाडौंकेन्द्रित आन्दोलन गरिरहेका छन् ।
