नेपाली कांग्रेस केन्द्रिय समिति बैठकमा प्रदेश सभापतिहरूको अधिकार खोजी
बिहिवार देखि सुुरु भएको नेपाली कांग्रेसको केन्द्रिय कार्यस्मिति बैठकमा पार्टीका प्रदेश सभापतिहरूले आफनो अधिकारको खोजी गर्दै नेतृत्वलाई त्यसवारेमा ध्यानाकर्षण गराएका छन । काग्रेसका प्रदेश सभापतिहरुले आफूहरूलाई अधिकार नै नदिएको भन्दै पार्टी नेतृत्व प्रति आपत्ति जनाएका छन् । अधिकार नदिइ झुलाइरहने हो भने प्रदेशका संरचना नै खारेज गरिदिन उनीहरूले माग गरेका हुन् ।
बिहिवारको केन्द्रिय समिति बैठकमा प्रदेशका तर्फबाट धारणा राख्दै मधेसका कृष्ण यादव, वाग्मतीका इन्द्र बानियाँ र गण्डकीका शुक्रराज शर्मले बैठकमै आपत्ति जनाएका हुन् । उनीहरुले पार्टीले प्रादेशिक संरचनालाई कुनै अधिकार नदिएको र सेरोमोनियर बनाएका भन्दै आपत्ति जनाएका हुन ।
‘आवश्यकता छैन भने खारेज गर्दिनुस्, नभए वैधानिक अधिकार दिनुहोस् । अधिकार दिएर सदस्यसहितका संरचनाको काम गर्ने अधिकार दिनुपर्छ,’ शर्माले भने, ‘हामीले व्यक्तिको विरोध गरेका छैनौं, तर अधिकारविहीन बनाएर प्रदेशमा संरचना भनेर हुँदैन ।’ मधेशका सभापति यादवले प्रदेश त कतैबाट पनि माया नपाउने बीचको भएको बताए ।
‘जेठो र कान्छोलाई माया गर्ने तर बीचको प्रदेशलाई माया नगर्ने देखियो । केन्द्रीय कार्यालयभन्दा नजिकको मधेश प्रदेश हो,’ यादवले भने, ‘किनकि, केन्द्रबाट देखिएभन्दा नजिकबाट हामीले देखेका छौं । क्रियाशील सदस्यतामा हामीलाई कुनै जिम्मेवार दिइएको छैन । तलबाट समस्या देखेकालाई जिम्मेवारी नदिएपछि हामी कसरी बलियो बन्छौं रु संघीयताको मजबुतीका लागि पनि प्रदेशको संरचनालाई बलियो बनाउनुपर्छ ।’
वाग्मतीका सभापति बानियाँले अधिकारविहीन प्रदेश संरचनाको काम नभएको बताए ।
‘क्रियाशील सदस्यताको विषय हरेक प्रदेशले सबै हेरेर केन्द्रीय समितिमा पठाउनुपर्ने हो । तर यो काम केन्द्रले नै गर्दै आएको छ । आज प्रदेश सभापतिहरू अधिकारविहीन भएका छन् । प्रदेश संरचना बनाउने तर अधिकार नदिने हुँदा अधिकारविहीन छौं । यसरी कसरी संघीयता बलियो भएर अगाडि बढ्छ ?,’ उनले प्रश्न गरे ।
बिहिवार देखि सुुरु भएको काग्रेस केन्द्रिय समिति बैठक शुक्रवार पुन बस्ने छ । आजको बैठकमा सभापतिको तर्फवाट महामन्त्री गगन थापाले प्रस्तावहरु राखेका छन भने थापाले पार्टीको पछिल्लो गतिविधी वारेमा पनि बैठकमा जानकारी गराएका थिए ।
