रुसी सेनामा कार्यरत थप एक नेपालीको निधन

रुसी सेनामा कार्यरत एक नेपालीको मृत्यु भएको छ। परराष्ट्र मन्त्रालयले बुधबार विज्ञप्ति प्रकाशित गरी रुसी सेनामा कार्यरत कुन्दन सिंह नागल (राहदानी नं ०९४७३६३२) को दुःखद निधन भएको जनाएको छ।

यसअघि रुसी सेनामा कार्यरत ६ जना नेपालीको ज्यान गइसकेको छ । मन्त्रालयले रुसी सेनामा भर्ना भई निधन भएका नेपाली नागरिकहरुको शव यथाशीघ्र नेपाल पठाउन तथा घाइते लगायतका पीडित परिवारहरुलाई क्षतिपूर्ति उपलब्ध गराउन नेपालका लागि रुसका राजदूत मार्फत पुनःअनुरोध गरिएको पनि विज्ञप्तिमा जनाएको छ।

त्यसैगरी, नेपाली नागरिकलाई रुसी सेनामा भर्ना नगर्न र भर्ना गरिएका नेपाली नागरिकलाई तत्काल नेपाल फर्काउन समेत रुसी सरकारलाई पुनः आग्रह गरेको छ।