कोशीका मुख्यमन्त्री कार्कीको शपथ आज लिदै

कोशी प्रदेशका नवनियुक्त मुख्यमन्त्री केदार कार्कीले आज (आइतबार) शपथ लिदै छन । शनिवार मुख्यमन्त्रीमा नियुक्त भएका कार्कीले सोमबार कार्यालय खुल्नेबित्तिकै मुख्यमन्त्री कार्कीले विश्वासको मत लिनका लागि प्रदेश सभा सचिवालयमा सूचना दिनेछन् ।

बुधबार नै विश्वासको मत लिने गरी कार्कीले तयारी गरेका छन भने ढिलै भए पनि बिहीबारभित्रमा विश्वासको मतको निर्णय भइसक्ने तयारी गरिएको छ ।

आगामी मार्गचित्र र शक्ति साझेदारीबारे शीर्ष तहमा छलफल गर्न मुख्यमन्त्री कार्की शनिबार नै काठमाडौँ आएका छन्। उनी आइतबार बिहानैको उडानमा विराटनगर फर्किने तालिका छ।

छलफलमा सहभागी नेताहरूका अनुसार, मुख्यमन्त्री कांग्रेसबाट चुनिएकाले अब सभामुख एमालेले पाउन सक्नेछ। उपसभामुख राप्रपालाई दिन सकिने गरी छलफल भएको छ।