प्रधानमन्त्री प्रचण्डद्धारा संसदमा प्रतिनिधीत्व गर्ने दलहरु संग छलफल, रास्वपाद्धारा बहिष्कार
प्रधानमन्त्री प्रचण्डले आइतबार बिहान ११ बजे संसद्मा प्रतिनिधित्व गर्ने सात राजनीतिक दलका नेताहरु संग बालुवाटारमा छलफल गरेका छन । सुन तस्करी जाँचबुझका लागि उच्चस्तरीय आयोग र हिजो मात्रै नेपाल आयल निगमले तेल, ग्इासमा गरेको मुल्यबृद्धि वारेमा सात दलको बैठकमा छलफल भएको थियो ।
यो छलफल अघि प्रधानमन्त्री र एमाले अध्यक्ष सहितका शिर्ष नेताहरुको छुटै बैठक बालुवाटारमा बसेको थियो ।
सात दलको बैठकमा सास्पा भने सहभागी भएन । चाडपर्वको मुखमा महँगीको मार थोपरिएको भन्दै राष्ट्रिय स्वतन्त्र पार्टीले आइतबार प्रधानमन्त्री पुष्पकमल दाहाल ‘प्रचण्ड’ले बोलाएको सर्वदलीय बैठक बहिष्कार गरेको जनाएको छ ।
मुल्यवृद्धिको विरोधमा सर्वदलीय बैठक बहिष्कार गरेको रास्वपाका सभापति रवि लामिछानेले फेसबुक स्ट्याटसमार्फत् बताएका छन्।
‘चाड पर्वहरूको मुखमा आम उपभोक्ताहरूलाई मारपर्ने गरी सरकारले गरेको मुल्यवृद्धिप्रति हाम्रो गम्भीर आपत्ति छ। यसको विरोध स्वरूप आज प्रधानमन्त्रीज्यूले बोलाउनुभएको बैठक हामीले बहिष्कार गरेका छौं,’ उनले भनेका छन्।
यसबारे थप कार्यक्रम गर्ने पनि उनले बताएका छन्।
