भारतीय रक्षामन्त्री राजनाथ सिंहद्वारा नेपालमा बाढीबाट भएको क्षतिप्रति दुःख व्यक्त
नयाँ दिल्ली – भारतीय रक्षामन्त्री राजनाथ सिंहले नेपालमा २६ अगस्ट २०२६ मा आएको विनाशकारी बाढीबाट भएको जनधनको क्षतिप्रति गहिरो दुःख व्यक्त गरेका छन्।
सिंहले नयाँ दिल्लीस्थित नेपाली दूतावासमा पुगेर शोक पुस्तिकामा हस्ताक्षर गर्दै बाढीमा ज्यान गुमाएका नेपाली तथा विदेशी नागरिकप्रति श्रद्धाञ्जली अर्पण गरेका हुन्।
शोक पुस्तिकामा उनले भारत सरकार र भारतीय जनताको तर्फबाट नेपाल र नेपाली जनताप्रति गहिरो समवेदना व्यक्त गर्दै विपत्तिमा ज्यान गुमाउनेका परिवारप्रति सहानुभूति प्रकट गरेका छन्। उनले बाढीमा भारतीय नागरिकसहित विभिन्न देशका नागरिक प्रभावित भएको उल्लेख गरेका छन्।
घाइतेहरूको शीघ्र स्वास्थ्यलाभको कामना गर्दै सिंहले विपत्तिबाट प्रभावित परिवारप्रति भारतको साथ र ऐक्यबद्धता रहेको बताएका छन्।
उनले नेपाल र भारतबीचको सम्बन्धलाई (‘सुख–दुःखका साथी’) को सम्बन्धका रूपमा उल्लेख गर्दै कठिन परिस्थितिमा पनि भारत नेपाली दाजुभाइ तथा दिदीबहिनीको साथमा काँधमा काँध मिलाएर उभिएको बताएका छन्। सिंहले नेपालमा जारी खोज, उद्धार तथा पुनर्स्थापनाका प्रयासमा भारतले निरन्तर सहयोग गर्ने प्रतिबद्धता समेत व्यक्त गरेका छन्।
