सुन तस्करीमा संलग्न रहेको आशंकामा एक चिनियाँ नागरिक पक्राउ

एक क्विन्टल सुन तस्करी प्रकरणमा शंकास्पद ठानिएका एक चिनियाँ नागरिक पक्राउ परेका छन् । चछ्याङ लिन नामका चिनियाँ नागरिकलाई आज त्रिभुवन अन्तर्राष्ट्रिय विमानस्थलबाट समातिएको हो ।

विमानस्थलको प्रस्थान कक्षबाट बाहिरने क्रममा चिनियाँ नागरिक चछ्याङ लिनलाई अध्यागमन कार्यालय गौचरले पक्राउ गरेको जनाइएको छ । यसबारे थप अनुसन्धान गर्न अध्यागमन कार्यालयले उनलाई राजस्व अनुसन्धान विभागको जिम्मा लगाएको छ ।

विमानस्थलबाट जाँचपास भई ट्याक्सीमा राखेर बाहिर लैजाने क्रममा करिब एक सय किलो सुन राजस्व अनुसन्धान विभागले हिजो सिनामंगलबाट बरामद गरेको थियो ।