माछा मार्ने बम विस्फोट हुँदा पाल्पामा एकको मृत्यु, अर्का घाइते

माछा मार्ने बम विस्फोट हुँदा बाग्लुङमा एक युवाको मृत्यु भएको छ ।

मृत्यु हुनेमा बडिगाड गाउँपालिका-२ बस्ने ३१ वर्षीय मित्र राना छन् । बिहीबार दिउँसो माछा मार्ने बम बनाइरहेका रानाको सोही बम विस्फोट हुँदा मृत्यु भएको प्रहरीले जनाएको छ ।

विस्फोटबाट गम्भीर घाइते भएका रानालाई पाल्पा प्रभास अस्पताल हुँदै मिसन अस्पताल पाल्पा लैजाने क्रममा बाटोमै मृत्यु भएको प्रहरीले जनाएको छ ।

विष्फोटमा घाइते भएका सोही गाउँपालिका-२ मा डेरा गरी बस्ने गुल्मी मुसिकोट नगरपालिका-१ घर भएका २८ वर्षीय अरुणकुमार पुनको पाल्पा प्रभास अस्पतालमा उपचार भइरहेको छ। उनको अवस्था गम्भीर रहेको प्रहरीले जनाएको छ ।