लोसपा नेपालको मधेश प्रदेश कमिटीको बैठक जनकपुरमा सम्पन्न

लोकतान्त्रिक समाजवादी पार्टी नेपाल मधेस प्रदेश समितिको बैठक शुक्रवार जनकपुरमा बसेको छ । लोसपा मधेस प्रदेशका अध्यक्ष जितेन्द्र सोनलको अध्यक्षतामा बसेको बैठकमा मधेस प्रदेश समितिका पदाधिकारी तथा सदस्यहरु सहित जनकपुरधाममा उपलब्ध केन्द्रिय पदाधिकारी तथा सदस्यहरु सहित विभिन्न जिल्लाबाट आमन्त्रित जिल्ला पदाधिकारी तथा सदस्यहरु सहभागी भएका थिए ।

बैठकमा सदस्यता वितरण तथा अधिवेशन, पार्टीको प्रदेश समितिको नियमित काम कारवाही, प्रदेश पार्टी कार्यालय संचालन तथा प्रदेश सभा तथा प्रदेश सरकारको बारेमा छलफल भएको लोसपा मधेश प्रदेश समितिले जनाएको छ । बैठकमा त्यसको साथै मधेस प्रदेशका सबै जिल्लामा अन्तरक्रिया कार्यक्रम गर्नुका साथै भातृ जनवर्गीय संगठनहरुको प्रदेश इन्चार्ज तोकने वारेमा समेत छलफल भएको थियो ।