विमानस्थल निर्माणका निर्णय गर्नु देशलाई नोक्सानी मात्रै- अध्यक्ष नेपाल

नेकपा (एकीकृत समाजवादी) का अध्यक्ष एवम् पूर्वप्रधानमन्त्री माधवकुमार नेपालले विमानस्थल निर्माणका निर्णय गर्नु देशलाई नोक्सानी मात्रै हुने बताउनुभएको छ । बिहीबार सिंहदरबारमा बसेको अन्तर्राष्ट्रिय सम्बन्ध र पर्यटन समितिको बैठकमा बोल्नुहुँदै अध्यक्ष नेपालले भैरहवा र पोखरा अन्तर्राष्ट्रिय विमानस्थल चल्न सकेको जानकारी हुँदाहुँदै पनि विमानस्थल निर्माणका निर्णय गर्नु देशलाई नोक्सानी मात्रै हुने बताउनुभएको हो ।

त्यस्तै, उहाँले छिमेकी जिल्ला बैतडी र डोटीका विमानस्थल चल्न नसकिरहेको अवस्थामा डडेलधुरामा पनि विमानस्थल बनाउन खोज्नु ठेक्कामा कमिसन खानु रहेको औंल्याउनुभयो ।

अध्यक्ष नेपालले भन्नुभयो, ‘‘उदयपुर र डडेलधुरामा विमानस्थल चल्छ रु बैतडीमा चलिरहेको छ रु त्यति नजिकै विमानस्थल त्यहाँ डोटीमा छैन रु के छ त्यसको हालत रु भनेपछि त्यो विमानस्थल बनाउनुपर्ने किन रु उदयपुरमा के आवश्यकता छ रु किन बनाउनु पर्‍यो । भनेपछि त्यहाँ ठेक्का लाग्छ, ठेक्कामा कमिसन खान पाइन्छ । सिधा त्यो कुरा बाहेक अरू केही पनि होइन । अलि जनतालाई भन्ने मौका पाइन्छ, मेरो जिल्लामा पनि मैले विमानस्थल ल्याइदिएँ । यस्तै कुराहरूले पनि धेरै नोक्सानी भइरहेको छ ।’’

अध्यक्ष नेपालले उदयपुर र डडेलधुरामा विमानस्थलको आवश्यकता नरहेको टिप्पणी गर्नुहुँदै मेरो जिल्लामा मैले विमानस्थल ल्याइदिएँ भनेर जनतालाई भन्न पाउने बाहेक अरू कुनै उद्देश्य नरहेको जिकिर गर्नुभयो ।

विमानस्थलहरू चल्न नसकेपछि त्यसको जिम्मेवार निर्णय गर्नेहरूले लिनुपर्ने उहाँको भनाइ छ ।