काग्रेस सभापति देउवाले भने-हामी विपक्षी पार्टी हो,सरकारमा जादैनौ

बिराटनगर- नेपाली कांग्रेसका सभापति शेरबहादुर देउवाले आफुु र आफनो पार्टी तत्कालै सरकारमा नजाने बताएका छन । विराटनगर विमानस्थलमा पत्रकारहरुसंग कुरा गर्दै देउवाले आफुहरुको तत्कालै सरकारमा जाने कुनै योजना नरहेको प्रष्टाएका छन ।

कांग्रेसका दिवंगत नेता अशोक कोइरालाका परिवारलाई भेट्न विराटनगर आएका देउवाले विमानस्थलमा सञ्चारकर्मीहरुसँग कुरा गर्दै सरकारमा जान हतार नगरेको बताए ।

पत्रकारहरुले भने सरकारमा कहिले जाने ? अविश्वासको प्रस्ताव कहिले आउँछ ? जस्ता प्रश्न गरेका थिए । देउवाले कांग्रेस विपक्षी दल भएको बताए ।

ओली सरकारलाई समर्थन गर्ने हो भन्ने प्रश्न सोधेपछि भने कांग्रेस सभापति देउवा रिसाए । उनले झेक्किँदै भने, ‘विपक्षी पार्टी भनेको सुन्नु भएन ?’