भारतद्धारा भूकम्प पिडितहरुका लागी दोस्रो खेपको राहत सामग्री पनि हस्तान्तरण
नेपालका भूकम्प प्रभावित परिवारहरुका लागि आपतकालीन राहत सामग्रीको दोस्रो खेप पनि भारत सरकारको नेपाल पठाएका छन । हिजो आइतवार मात्रै राहत साम्रगीको पहिलो खेप भारतीय राजदुत नवीन श्रीवास्तवले उपप्रधानमन्त्री पुर्णबहादुर खडकालाई हस्तानान्तरण गरेका थिए । उक्त साम्रगी सोमवार प्रभावित क्षेत्रमा समेत पठाई सकिएको छ ।
सोमवार भारतीय राजदूतावासका नियोग उप–प्रमुख श्री प्रसन्न श्रीवास्तवले नेपालगञ्जका मेयर प्रशान्त विष्टको उपस्थितिमा बाँकेका प्रमुख जिल्ला अधिकारी श्रवण कुमार पोखरेललाई दोस्रो खेपका राहत साम्रगी हस्तान्तरण गरेका छन ।
दोस्रो खेपको राहत साम्रगीमा अत्यावश्यक चिकित्सा तथा सरसफाई सामग्री, त्रिपाल, स्लीपिङ्ग ब्याग र कम्बल सहितको ९ टन राहत सामग्री भारतीय वायुसेनाको विशेष विमान सी–१३० ले नेपालगञ्ज ल्याइपुर्याएको थियो ।
यी राहत सामग्रीको हस्तान्तरण यही कार्तिक १७ गते जाजरकोटमा गएको भूकम्पपछि नेपाल सरकारलाई सहयोग गर्ने भारत सरकारको प्रयासको एक हिस्साको रुपमा रहेको नेपाल स्थित भारतीय राजदुतावासले जनाएको छ । त्रिपाल, टारपोलिन सिट, कम्बल, स्लीपिङ्ग ब्याग, अत्यावश्यक औषधी र चिकित्सा उपकरण सहितको ११ टन भन्दा बढी आपतकालीन राहत सामग्रीको पहिलो खेप भारतले नेपाल सरकारलाई कार्तिक १९ गते हस्तान्तरण गरेको थियो ।
