सर्वोच्च अदालतका लागि चार न्यायाधीश सिफारिस, को–को परे सूचीमा ?

काठमाडौं—न्याय परिषद्ले सर्वोच्च अदालतको न्यायाधीश नियुक्तिका लागि चार जना न्यायाधीशको नाम सिफारिस गरेको छ ।

परिषद्को २०८३ असोज २० गते बसेको बैठकले उच्च अदालतमा कार्यरत चार न्यायाधीशलाई सर्वोच्च अदालतको न्यायाधीशमा नियुक्तिका लागि सिफारिस गर्ने निर्णय गरेको हो ।

सिफारिस हुनेमा उच्च अदालत पोखराका मुख्य न्यायाधीश डा. रत्नबहादुर बागचन्द, उच्च अदालत पाटनका न्यायाधीश चन्द्रबहादुर सारु, उच्च अदालत पाटनको हेटौंडा इजलासका न्यायाधीश जनक पाण्डे र उच्च अदालत जनकपुरको अस्थायी इजलास वीरगञ्जमा कार्यरत तथा सर्वोच्च अदालतमा काजमा रहेका न्यायाधीश गोकर्ण डाँगी छन् ।

न्याय परिषद्को निर्णयअनुसार चारै जनाको नाम सर्वोच्च अदालतको न्यायाधीश पदमा नियुक्तिका लागि सिफारिस गरिएको हो ।

अब संवैधानिक प्रक्रियाअनुसार उनीहरूको नियुक्तिको प्रक्रिया अघि बढ्नेछ ।