लोसपा नेपालद्धारा जितेन्द्र सोनलको नेतृत्वमा वार्ता टोली गठन
मधेश केन्द्रित दलहरुको विचमा मोर्चाबन्दी र एकताका लागी छलफल तथा गृहकार्यहरु प्रारम्भ भए संगै लोसपा नेपालले पार्टीका वरिष्ठ उपाध्क्ष तथा मधेश प्रदेश अध्यक्ष जितेन्द्र जितेन्द्र सोनलको नेतृत्वमा वार्ता टोली गठन गरेका छन । वार्ता टोलीमा सोनल संगै उमाकान्त झा, रामप्रकाश चौधरी, सुरेन्द्र झा र मनिष मिश्रा छन । लोसपा अध्यक्ष महन्थ ठाकुरले आइतवार विज्ञप्ती जारी गर्दै प्राप्त उपलब्धी रक्षाका लागी मुद्धा मिल्ने दलहरुको विचमा एकता तथा मोर्चा आवश्यक रहेको ठहर गर्दै विचार मिल्ने दलहरु संग संवाद तथा छलफल गर्न सोनलको नेतृत्वमा पार्टीले समिति गठन गरेको जानकारी दिएका छन ।
पछिल्लो समयमा जनता प्रगतीशिल पार्टीले डा शिवजी यादवको नेतृत्वमा यस्तै समिति बनाएर मधेश केन्द्रित दलहरु संग संवाद प्रारम्भ गरेका छन भने उप्न्द्र यादव नेतृत्वको जसपा नेपालले नेता राजकिशोर यादवको नेतृत्वमा समेत यस्तै वार्ता समिति बनाएर मधेश केन्द्रित दलहरु संग छलफल गरिरहेका छन ।
वर्तमान सत्ता समिकरणमा रहेका काग्रेस र एमालेले संविधान संशोधन गर्न अघि वढे पछि मधेश केन्द्रित नेताहरु समेत मोर्चाबन्दी बनाएर संविधान प्रति आफनो असन्तुुष्ट अगाडी ल्याउन खोजेका छन ।
०७२ मा वर्तमान संविधान जारी हुदा मधेश केन्द्रित नेताहरु तयस प्रति असन्तुष्टि जनाउदै ६महिना लामो आन्दोलन मधेशमा गरेका थिए । यद्यपी प्रमुख दलहरुले त्यसलाई सम्बोधन गरेका थिएन ।
