संविधान संशोधनका लागि मधेसी शक्तिलाई एक हुन सुझाव
दुई ठुला दलले संविधान संशोधनका लागि गरिरहेको गृहकार्यमा मधेस शक्ति केन्द्रले चासो लिनुपर्ने सरोकारवालाहरूले सुझाव दिनुपर्ने सुझाव दिएका छन् । मधेस एकता समाजले आयोजना गरेको मधेसी शक्ति आवश्यकता, सहकार्य र चुनौती विषयक अन्तरक्रिया कार्यक्रममा सरोकारवालाहरूले संविधान संशोधनका लागि मधेसी शक्तिलाई एक हुन सुझाव दिएका हुन् ।
मधेस मामिलाका जानकार तुलानारायण साहले दुई ठुला दल संविधान संशोधनकै लागि एकीकृत भएको बताउँदै निर्वाचन प्रणालीमा संशोधन हुन लागेको बताए । निर्वाचन प्रणाली संशोधन गरेर समानुपातिक प्रणाली समाप्त गर्न लागेको तथा थ्रेसहोल्ड लगाएर मधेसी दललाई समाप्त गर्ने षड्यन्त्र भइरहेकाले त्यसको विरुद्धमा मधेसवादी दलहरू एक हुनुपर्नेमा उनले जोड दिए ।
उनले नेपाली कांग्रेस र नेकपा एमाले एक हुनसक्छन् भने मधेसवादी दलहरू किन हुँदैन भन्दै मधेसवादी दलहरूलाई समाप्त गर्ने भइरहेको षड्यन्त्रलाई समाप्त गर्न एक हुनुपर्ने बताए ।
नेपालको राजनीति संविधान संशोधनको बाटोमा हिँडेको बताउँदै उनले मधेसी दललाई शक्तिमा रोक्न थ्रेसहोल्ड ल्याउने प्रयास भइरहेको बताए । थ्रेसहोल्ड बढायो भने कांग्रेस, एमाले र माओवादी मात्र रहने बताउँदै उनले यसमा मधेसवादी दलहरू सचेत रहनुपर्ने बाए ।
उनले संविधान संशोधन राजनीतिक सहमतिमा हुनुपर्ने कुरामा मधेसवादी शक्तिले जोड दिनुपर्ने सुझाव दिए ।
