दशैमा काठमाडौबाट बाहिरिएका १५ लाख मध्ये मंगलवारदेखि फर्कन सुुरु, यो वर्ष तुलनात्मकरुपमा कम दुर्घटना
नेपाल प्रहरीले चाडपर्वको समयमा हुने सार्वजनिक सवारी साधनको दुर्घटना यो वर्ष कम भएको बताएको छ । नेपाल प्रहरीका केन्द्रीय प्रवक्ता प्रहरी नायब महानिरीक्षक कुवेर कडायतले विगतका वर्षको तुलनामा लामो दुरीका सार्वजनिक साधनको दुर्घटना यो पटक कम भएको जानकारी दिए ।
उनले भने “देशैभरमा सबैतिरको जम्मा तथ्याङ्क आएको छैन । तुलनात्मक रुपमा यो पटक ठूला–ठूला सार्वजनिक यात्रुवाहक बसहरु दुर्घटनामा परेको छैन”, यसबाहेक पाल्पा लगायतका स्थानमा निजी प्रयोजनका यातायातका साधन दुर्घटनामा परेको उनको भनाई छ ।
उनका अनुसार दसैँ पर्वको अवसरमा काठमाडौं उपत्यका बाहिर जानेको संख्या १५ लाखभन्दा बढी रहेका छन् । मंगलबार दिउँसो देखि नै सडकमा यातायातका साधनको चहलपहल बढ्दै गएको छ ।
उनले भने “१५ लाखभन्दा बढी उपत्यका बाहिर भएको तथ्याङ्क छ, फर्किने क्रम अलि अलि सुरु भयो । यताबाट काठमाडौं बाहिर दसैँ मनाउन जाने लामो बसहरु दुर्घना भएन । रिजर्भ गएका, फेमिली टुर गएका बसहरु पल्टेका छन् । फाट्टफुट्ट चोरी भएको छ”, उनलेले विगतको तुलनामा चोरी पनि कम भएको पनि बताए ।
