इजरायलमा मारिएकामध्ये ४ नेपालीको शव आइतबार काठमाडौं आइपुग्ने

हमास समूहको आक्रमणमा परी मारिएकामध्ये ४ जना नेपालीको शव भोलि नेपाल पठाइने भएको छ।  इजरायलस्थित नेपाली राजदूतावासका अनुसार उनीहहरुको शव आइतबार काठमाडौं आइपुग्नेछ।

शुक्रबार एक विज्ञप्ति जारी गर्दै दूतावासले आक्रमणमा परी मृत्यु भएका १० नेपालीमध्ये ४ जनाको शव आइतबार काठमाडौं आइपुग्ने जानकारी दिएको हो।

दूतावासका अनुसार उनीहरुको शव भोलि अर्थात शनिबार दिउँसो १ः२५ बजेको फ्लाइ दुबईको उडानबाट नेपाल पठाउन लागिएको हो। इजरायलबाट दुबईसम्म र त्यहाँबाट काठमाडौंसम्म पुग्ने व्यवस्था मिलाइएको राजदूतावासले जारी गरेको विज्ञप्तिमा उल्लेख गरिएको छ।

अन्य शव पहिचानको काम भइरहेको जनाइएको छ सम्पर्कविहीन रहेका विपीन जोशीको खोजी भइरहेको पनि दूतावासले जानकारी दिएको छ।