देशका विभिन्न भागमा धार्मिक तनाव देखिए पछि छलफल गर्न राष्ट्रिय सुरक्षा परिषद्‍को बैठक – Nepalboli

देशका विभिन्न भागमा धार्मिक तनाव देखिए पछि छलफल गर्न राष्ट्रिय सुरक्षा परिषद्‍को बैठक

   १७ आश्विन २०८०, बुधबार  

पछिल्लो समय देशका विभिन्न भागमा धार्मिक तथा जातीय तनाव बढिरहेका बेला राष्ट्रिय सुरक्षा परिषद्‍को बैठक बसेको हो।  राष्ट्रिय सुरक्षा परिषद्को बैठक सिंहरबारमा बसेको छ।
सुरक्षा परिषद्को बैठकमा प्रधानमन्त्री पुष्पकमल दाहाल प्रचण्ड, उपप्रधान तथा रक्षामन्त्री पूर्णबहादुर खड्का, अर्थमन्त्री डा। प्रकाशशरण महत, परराष्ट्रमन्त्री एनपी साउद, प्रधानसेनापति प्रभुराम शर्मा र राष्ट्रिय सुरक्षा सल्लाहकार शंकरदास वैरागी सहभागी थिए।

पछिल्लो केही सातायता सुनसरी, सर्लाही र बाँकेको नेपालगञ्जसहितका स्थानमा देशको सुरक्षालाई चुनौती दिने गरी धार्मिक तनाव बढ्दै गएपछि यो बैठक बसेको हो।

नेपालगञ्जमा हिन्दु र मुस्लिम समुदायबीच धार्मिक तनाव बढेपछि कर्फ्युको अवस्था छ। त्यहाँको तनाव रोक्न मंगलबारदेखि नै नेपाली सेना, सशस्त्र प्रहरी र नेपाल प्रहरीसहितको टोली परिचालन गरिएको छ।

फेसबुकबाट तपाईको प्रतिक्रिया सबै