बाढी प्रभावित नुवाकोटको स्थलगत निरीक्षणमा निस्किए प्रधानमन्त्री बालेन

काठमाडौं— प्रधानमन्त्री वालेन्द्र शाह ‘बालेन’ बाढी प्रभावित क्षेत्रको स्थलगत निरीक्षणका लागि बिहीबार बिहान नुवाकोटको विदुरतर्फ प्रस्थान गरेका छन् ।

प्रधानमन्त्री शाहसँग पूर्वाधार विकासमन्त्री सुनिल लम्साल पनि निरीक्षण टोलीमा सहभागी छन् । उनीहरू बिहान साढे ९ बजे सडकमार्ग हुँदै बाढीबाट प्रभावित मुख्य क्षेत्रमध्ये एक विदुरतर्फ प्रस्थान गरेका हुन् ।

बुधबार रसुवाको भोटेकोशीमा आएको विनाशकारी बाढीले नदी तटीय क्षेत्रमा ठूलो जनधनको क्षति गरेको छ । बाढीको प्रभाव नुवाकोटलगायत आसपासका जिल्लामा समेत परेको छ ।

प्रधानमन्त्री शाहले स्थलगत निरीक्षणका क्रममा बाढीबाट भएको क्षति, उद्धार तथा राहतको अवस्था र प्रभावित क्षेत्रमा तत्काल आवश्यक पर्ने व्यवस्थाबारे जानकारी लिने बताइएको छ ।