भारत उत्तर प्रदेशका मुख्यमन्त्री योगी आदित्यनाथद्धारा आफना सम्पुर्ण मन्त्री सहित महाकुम्भ स्नान
उत्तर प्रदेश सरकारको मन्त्रीपरिषद बैठक नै महाकुम्भ नगरी प्रयागराजमा बसे
भारतको प्रयागराजमा जारी महाकुम्भमा बुधवार उत्तर प्रदेशका मुख्यमन्त्री योगी आदिन्यनाथ सहित उनको मन्त्रीपरिषदका सम्पुर्ण मन्त्रीहरु स्नान गरेका छन । महाकुम्भमा स्नान गर्नु पुर्व मुख्यमन्त्री योगीले महाकुम्भ नगरी प्रयागराजमा उत्तरप्रदेश सरकारको मन्त्रीपरिषद बैठक समेत राखेका थिए । त्याहा भएका मन्त्रीपरिषद बैठकले महाकुम्भ नगरी प्रयागराजको विकासका लागी महत्वपुर्ण निर्णयहरु गरेका छन ।
गएको २९ पुसदेखि सुरु भएको महाकुम्भमा हरेक दिन १ करोड भन्दा वढी दर्शनार्थी आइरहेका छन् । प्रदेश सरकारको मन्त्रीपरिषद बैठक पछि मुख्यमन्त्री योगीले आज विहान सम्ममा ९ करोड भन्दा वढी तीर्थालु प्रयागराज पुगेको आकडा प्रस्तुत गरेका थिए ।
प्रयागराजस्थित गंगा र यमुना नदी संगमस्थलमा हरेक १२ वर्षमा कुम्भ मेला लाग्ने गर्छ । यमुना नदीमा सरस्वती नदी पनि मिसिएर आउने विश्वास साथ प्रयागराजलाई तीन नदीको संगम अर्थात् त्रिवेणीका रूपमा लिने गरिन्छ ।
हरेक १२ वर्षमा यस ठाउँमा नुहाउँदा पाप नष्ट हुने विश्वास छ । पौराणिक कालमा भएको समुद्र मन्थनबाट निस्केको अमृतको थोपा प्रयागराजमा पनि खसेको विश्वास गरिन्छ । सोही कारण कुम्भ मेलामा यहाँ करोडौं मानिस नुहाउन पुग्ने गर्छन् ।
यस वर्ष ४५ करोड तीर्थालु यहाँ आउने अपेक्षा भारतको विदेश मन्त्रालय तथा उत्तर प्रदेश सरकारले गरेका छन् । तीमध्ये १५ लाख विदेशी पर्यटक महाकुम्भमा सहभागी हुने अपेक्षा भारत सरकारको छ । यसलाई संसारकै सबैभन्दा ठूलो धार्मिक मेला मानिन्छ ।
