१० बैशाखमा हुने उपनिर्वाचनका लागि २६ वटा दल दर्ता

आगामी बैशाख १० गते हुने प्रतिनिधि सभा सदस्यको उपनिर्वाचनका लागि निर्वाचन आयोगमा २६ वटा दल दर्ता भएका छन् । केही दिनअघि आयोगले दल दर्ताका लागि आह्वान गरेको छ। उप निर्वाचनका लागि २६ वटा दल दर्ता भएको आयोगका प्रवक्ता शालिकराम शर्माले जानकारी दिए ।

तनहुँ क्षेत्र नम्बर १, बारा क्षेत्र नम्बर २ र चितवन क्षेत्र नम्बर २ मा बैशाख १० गते उप निर्वाचन हुँदै छ। चितवन २ मा राष्ट्रिय सभाका सभापति रवि लामिछाने निर्वाचित भएका थिए। तर नागरिकता प्रकरणमा दोषी पाइएपछि उनको सांसद पद खारेज भएको थियो ।

उक्त निर्वाचन क्षेत्रमा फेरि लामिछानेले नै उम्मेदवारी दिने तयारी गरेका छन् । यस्तै तनहुँ १ बाट निर्वाचित रामचन्द्र पौडेल राष्ट्रपतिमा निर्वाचित भएपछि रिक्त रहेको छ ।

यता बारा २ बाट निर्वाचित जसपाका रामसहाय यादव उपराष्ट्रपतिमा निर्वाचित भएसँगै त्यहाँ पनि उपनिर्वाचन हुन लागेको हो ।