कतार पठाउने भनी दुई लाख ९० हजार ठगी गर्ने पक्राउ

प्रहरीले कतार पठाउने भनी दुई लाख ९० हजार रुपियाँ रकम ठगी गर्ने २४ वर्षीय मनोज कुमार साहलाई पक्राउ गरेको छ । काठमाडौं उपत्यका अपराध अनुसन्धान कार्यालयका प्रवक्ता प्रहरी उपरीक्षक रविन्द्र रेग्मीका अनुसार सिराहका विष्णुपुर गाउँपालिका वडा नं ३ स्थायी घर भइ हाल ललितपुर महालक्ष्मी नगरपालिका वडा नंं ४ इमाडोल बस्ने साहलाई पक्राउ गरेको छ ।

साहले कतार जान प्रतिव्यक्ती दुई लाख ९० हजार रुपियाँ लाग्ने र त्यहाँ पुगेपछि एक कम्पनीमा मासिक तलब ४५ लाख रुपियाँ हुन्छ भनी विश्वास दिलाइ प्रलोभनमा पारेको प्रहरीले जनाएको छ ।

प्रहरीले उनलाई थप अनुसन्धान तथा कारवाहीका लागि वैदेशिक रोजगार विभाग, ताहाचल पठाएको छ ।