रास्वपामा पदाधिकारीदेखि विभागीय प्रमुखसम्म जिम्मेवारी बाँडफाँट, को–को भए मनोनित ?
काठमाडौं – राष्ट्रिय स्वतन्त्र पार्टी (रास्वपा)ले रिक्त पदाधिकारी, केन्द्रीय सदस्य तथा विभिन्न विभागका प्रमुखहरूको जिम्मेवारी टुंगो लगाएको छ ।
शुक्रबार बसेको पार्टीको केन्द्रीय समिति बैठकले सहमहामन्त्री, कोषाध्यक्ष, सहकोषाध्यक्ष, प्रवक्ता र सहप्रवक्तासहितका पदमा मनोनयन गरेको हो । बैठकले विभिन्न नौ जनालाई केन्द्रीय सदस्यमा समेत मनोनित गरेको छ ।
यी हुन् नयाँ पदाधिकारी
रास्वपाको सहमहामन्त्रीमा पुरुषोत्तम यादव मनोनित भएका छन् । त्यस्तै डा.मनोहर प्रधान कोषाध्यक्ष र बसुमाया तामाङ सहकोषाध्यक्ष बनेका छन् ।
पार्टीको प्रवक्ताको जिम्मेवारी जगदीश खरेललाई दिइएको छ भने सहप्रवक्तामा डा। नमिता यादव र सुरेन्द्र चौधरी मनोनित भएका छन् ।
नौ जना केन्द्रीय सदस्य मनोनित
बैठकले भुपदेव शाह, सुधन गुरुङ, सुनिल लम्साल, प्रतिभा रावल, पुरुषोत्तम यादव, बसुमाया तामाङ, सुरेन्द्र चौधरी, भक्तबहादुर राई र डा। मनोहर प्रधानलाई केन्द्रीय सदस्यमा मनोनित गरेको छ ।
सचिवालय पनि विस्तार
रास्वपाले केन्द्रीय सचिवालयमा समेत जिम्मेवारी बाँडफाँट गरेको छ। सचिवालयमा शिशिर खनाल, गणेश पराजुली, कवीन्द्र बुर्लाकोटी, विराजभक्त श्रेष्ठ, लिमा अधिकारी, दीपकराज बोहरा, समीक्षा बाँस्कोटा, शिव नेपाली, इन्दिरा रानामगर र मनिष झालाई जिम्मेवारी दिइएको छ ।
विभागीय प्रमुखको जिम्मेवारी
पार्टीले विभिन्न विभागको नेतृत्वसमेत तोकेको छ ।
– संगठन विभाग: प्रमोद न्यौपाने
– सार्वजनिक सेवा तथा जनगुनासो विभाग : विजय जैरू
-जनस्वास्थ्य विभाग: डा.तोसिमा कार्की
– पूर्वाधार विभाग: निशा डाँगी
-अन्तर्राष्ट्रिय तथा कूटनीति विभाग: शिशिर खनाल
-अर्थ विभाग: लिमा अधिकारी
प्रशिक्षण विभागको प्रमुख पद भने हाल रिक्त राखिएको छ । त्यसको कायममुकायम जिम्मेवारी महामन्त्री विपिन आचार्यलाई दिइएको र उपप्रमुखमा सांसद कमल सुवेदीलाई मनोनित गरिएको विवरण सार्वजनिक भएको छ ।
रास्वपाको पछिल्लो निर्णयसँगै पार्टीको संगठनात्मक संरचना थप विस्तार भएको छ। यद्यपि केही पदमा अझै मनोनयन हुन बाँकी रहेको विवरणसमेत सार्वजनिक भएको छ ।
