मधेश प्रदेशका महिला सांसद तथा नेतालाई प्रशिक्षण दिँदै जसपा

जनता समाजवादी पार्टी (जसपा) नेपालले मधेश प्रदेशअन्तर्गतका पार्टीका महिला सांसद, पार्टीका महिला पदाधिकारी तथा सदस्यलाई प्रशिक्षण दिन लागेको छ । जनकपुरस्थित रमण टावरमा आज (मङ्गलबार) देखि सुरु हुने दुई दिवसीय प्रशिक्षणमा करिब एक सय प्रतिनिधि सहभागी छन् ।

प्रचार प्रसार तथा प्रकाशन केन्द्रीय विभागका प्रमुख पूर्ण बस्नेतका अनुसार प्रशिक्षण कार्यक्रममा समाजवादी महिला सङ्घका केन्द्रीय पदाधिकारी, मधेश प्रदेशका महिला पदाधिकारी, जिल्लाका प्रतिनिधि तथा महिला जनप्रतिनिधि सहभागी छन् ।

सङ्घीयता, सुशासन, सामाजिक न्याय र समाजवादलगायतका विषयमा प्रशिक्षण दिइने छ । पार्टीका अध्यक्ष उपेन्द्र यादवलगायतका नेताहरू प्रशिक्षक हुनुहुन्छ ।