संसदीय विषयगत समितिहरुको सभापति निर्वाचनका लागी आज उम्मेदवारी दर्ता हुदै – Nepalboli

संसदीय विषयगत समितिहरुको सभापति निर्वाचनका लागी आज उम्मेदवारी दर्ता हुदै

   १० भाद्र २०८०, आईतवार  

प्रतिनिधिसभाअन्तर्गतका १० वटा विषयगत सभापति चयन गर्न सोमबार हुने निर्वाचनका लागि आज आइतवार उम्मेदवारी दिने कार्यपालिका छ । समितिहरुको सभापतिमा सतारुढ गठबन्धनका नेपाली काग्रेस, माओवादी, एीककत समाजवादी, जसपा, जनमत र प्रमुख प्रतिपक्षी एमाले विचमा बाडफाड गर्ने गरि सहमती भईसकेको छ । यद्यपी राप्रपा र रापाले समेत सभापतिमा दावीहरु गरेका छन ।

विषयगत समितिका तीमध्ये तीन वटाको नेतृत्व नेपाली कांग्रेसले गर्दै छ । कांग्रेसले राज्य व्यवस्था तथा सुशासन समितिमा रामहरि खतिवडा, कृषि समितिमा आरजु देउवा र अर्थमा सन्तोष चालिसेलाई पठाउने तयारी गरेको छ ।

विपक्षी एमालेले पाएको दुई समितिमध्ये सार्वजनिक लेखा समितिमा ऋषिकेश पोखरेल र महिला बालबालिकामा समितिमा किरण साहलाई पठाउने तयारी गरेको छ ।

माओवादी केन्द्रले कानुन, न्याय तथा मानव अधिकार समितिमा विमला सुवेदी र पूर्वाधार विकास समितिमा माधव सापकोटालाई पठाउने तयारी गरेको छ । सत्ता गठबन्धनका अन्य दलहरु एकीकृत समाजवादी, जसपा र जनमतले एक(एक समितिको सभापति पाउने छन् । जसपाले अन्तर्राष्ट्रिय समितिमा राजकिशोर यादवलाई पठाउँदा शिक्षा समितिको नेतृत्व पाउने एकीकृत समाजवादीले भानुभक्त जोशीलाई पठाउने भएको छ ।

उद्योग तथा वाणिज्य र श्रम तथा उपभोक्ता हित समितिमा जनमत पार्टीले अब्दुल खानलाई पठाउने तयारी गरेको छ ।

राष्ट्रिय स्वतन्त्र पार्टीले पनि सभापतिमा उम्मेदवारी दिने भनेको छ । तर उसको उद्योग समितिमा मात्रै समर्थक र प्रस्तावक पुग्ने भएकाले अन्यमा उम्मेदवारी दिने या नदिने टुंगो लगाएको छैन ।

यसैगरी संयुक्त समितिमध्ये संसदीय सुनुवाइमा कांग्रेसले ज्ञानेन्द्रबहादुर कार्की वा जीवन परियारमध्ये एक जनालाई र राज्यका निर्देशक सिद्धान्त समितिमा एमालेले विमला घिमिरेलाई पठाउने तयारी गरेको छ ।

यी दुई समितिको सभापति चयन भने विषयगत समितिको नेतृत्व चयनपछि मात्रै हुने छ ।

फेसबुकबाट तपाईको प्रतिक्रिया सबै