प्रतिनिधिसभा बैठकमा जम्मू–कश्मीरको पहलगाम हमलाको विरोध, आतङ्कवाद विरुद्ध भारतको साथ रह्ने प्रतिबद्धता
गएको २२ तारिखमा भारतको जम्मू–कश्मीरको पहलगाममा भएको आतङ्कवादी ह्मलाको नेपालमा चौतर्फी विरोध भएको छ । आतङ्कवादी हमलामा एक नेपाली सहित २६ जना पर्यटकको मृतयू भएको थियो । जसको भारता सहित अन्तराष्टिय स्तरवाट चौतर्फी विरोध भईरहेको छ । नेपालमा आइतवार संसद बैठकमा उक्त आकमणको संसदहरुले कडा रुपमा विरोध गरेका छन । यस अघि शनिवार काठमाडौमा युवाहरुको एउटा समुहले पाकिस्तानी दुतावास अगाडी विरोध प्रर्दशन नै गरेका थिए । घटनाको विरोधमा नेपालमा काठमाडौ सहित जनकपुर, विरगंज, भैरहवा लगायतका ठाउहरुमा प्रर्दशनहरु भएका छन ।
प्रधानमन्त्री केपी ओलीले भारतका प्रधानमन्त्री नरेन्द्र मोदीसंग घटना पश्चात टेलिफोनमा संवादमा गर्दै आतङ्कवादी ह्मलाको विरोध गर्दै आतङ्कवादको लडाईमा भारतको साथ रह्ने बताएका थिए । नेपाली काग्रेस, एमाले, राप्रपा लोसपा नेपाल सहितका दलहरुले औपचारिक वकतव्य नै निकालेर आक्रमणको विरोध गर्दै आतङ्कवादको लडाईमा भारतको साथ रह्ने प्रतिवद्धता जनाएका छन ।
प्रतिनिधिसभाको आइतवार बसेको बैठकमा पनि सांसदहरूले भारतको जम्मू–कश्मीरको पहलगाममा २७ जनाको ज्यान जाने गरी भएको हमलाको विरोध गरेका हुन् । बैठकको आकस्मिक, शून्य र विशेष समयमा बोल्दै सांसदहरूले दोषीलाई कारबाही गर्न माग गरेका छन् ।
प्रतिनिधिसभाको बैठकमा सांसद सराज अहमद फारुकीले भारतको पहलगाममा मङ्गलवार भएको चरमपन्थी हमलाको निन्दा गर्दै दोषीलाई कडा कारबाही हुनुपर्ने माग गरे । सांसद ठाकुरप्रसाद गैरेले पनि भारतको जम्मू–कश्मीरमा आतङ्ककारीको हमलामा परी २६ जनाको निधन भएको घटनाको निन्दा गर्दै दोषीलाई कारबाही गर्न माग गरे । सांसद रामकृष्ण यादवले पनि पहलगाम घटनाको अनुसन्धान गरी संलग्नमाथि कारबाही गर्न माग गरे ।
सांसद किरणकुमार साहले भारतको जम्मू–कश्मीरस्थित पहलगाममा धर्मका आधारमा पर्यटकमाथि आक्रमण गरिनु निन्दनीय रहेको बताए । आतङ्कवादी क्रियाकलाप जहिले पनि जुनकुनै स्थानमा हुने भएकाले त्यस्ता गतिविधि नियन्त्रणसम्बन्धी सरकारको रणनीति के हो जानकारी गराउन माग समेत गरे ।
सांसद अनिता देवीले भारतको जम्मू–कश्मीरको पहलगाममा आतङ्कवादी आक्रमणमा एक नेपालीसहित दर्जनौँ पर्यटकको मृत्यु भएको घटनाको निन्दा गरिन् । उनले आतङ्कवादी गतिविधि निर्मूल पार्न विश्व समुदाय एक हुनुपर्ने बताइन् ।
सांसद ज्वालाकुमारी साहले भारतको जम्मू–कश्मीरस्थित पहलगाम र काठमाडौँको तीनकुनेमा भएको घटना घटनाको भर्त्सना गर्दै त्यस्ता गतिविधि स्वीकार्य नहुने बताइन् । सांसद चन्दा चौधरीले भारतको जम्मुकश्मिरस्थित पहलगाममा भएको आतङ्कवादी हमलाको निन्दा गर्दै आतङ्कवादी आक्रमण विपक्षमा उभिएर नेपालले भारतलाई दृढ समर्थन गर्नुपर्ने बताउनुभयो ।
