नेपाल–भारत सम्बन्ध बहुआयामिक रहेको नेताहरुको भनाई
गणेशमान सिंह फाउण्डेसनले सोमवार काठमाडौंमा आयोजना गरेको ‘नेपाल–भारत सम्बन्ध सुदृढ गर्न भारतका पूर्वप्रधानमन्त्री चन्द्रशेखरजीले पु¥याउनुभएको योगदान’ विषयक गोष्ठीमा नेताहरुले नेपाल–भारत सम्बन्ध बहुआयामिक रहेको बताउनुभएको हो ।
नेपाली काग्रेसका सभापति शेरबहादुर देउवाले नेपालमा प्रजातन्त्र स्थापना गर्नमा भारतीय पूर्व प्रधानमन्त्री चन्द्रशेखरको ठुलो योगदान रहेको उल्लेख गर्नुभयो ।
उहाँले भन्नुभयो, ‘उहाँले नेपालमा प्रजातन्त्र स्थापना गर्नको लागि धेरै ठुलो सहयोग गर्नुभएको छ, योगदान छ । उm बेला भारतले नेपालमा कहिल्यै प्रजातन्त्र चाहँदैन भन्ने थियो । चन्द्रशेखरजी आएपछि प्रजातन्त्रको खिलापमा छैन भारत भन्ने पुष्टि भयो ।’
राजसंस्था पुनःस्थापनाको लागि भारतले उचाल्यो भन्ने हल्ला मात्र भएको उहाँले बताउनुभयो । नेपालमा गणतन्त्र स्थापना भएको धेरै वर्ष नभएको भन्दै सभापति देउवाले राजनीतिक दलहरुले मिलेर यसलाई मजबुत बनाउन जरुरी रहेको बताउनुभयो ।
नेकपा एमालेका उपमहासचिव प्रदीप ज्ञवालीले नेपाल–भारतविचको सम्बन्ध बहुआयामिक रहेको बताउनुभएको छ ।
उहाँले नेपाल र भारत नजिकको साथी भएको कारण कुनै पनि विषयमा रहेका समस्याहरु संवादमार्फत समाधान गर्न सकिने उल्लेख गर्नुभयो । विश्वपरिस्थितिमा आएको गतिशीलताले नेपाल–भारतसँगै दक्षीण एशियालाई नै सहकार्य र पारस्परिक समझदारीको बाटोमा अगाडि बढ्न आह्वान गरिरहेको उहाँको भनाइ छ । उहाँले नेपालको विकास र छिटो रुपान्तरण हुने चाहनामा भारत अझै उदार भएर सहयोगी बन्नुपर्नेमा जोड दिनुभयो ।
उहाँले भन्नुभयो, ‘नेपाल–भारत सम्बन्ध बहुआयामिक छ । हामी असाध्यै नजिकका साथी हौं । नजिकको साथी भएको हुनाले कहिलेकाहिँ केही इस्युहरुमा समस्या देखा पनि पर्न सक्छन् । त्यसमा समाधान गर्न नसकिने कुनै पनि विषय छजस्तो मलाई लाग्दैन ।’
विश्वपरिस्थितिमा नयाँ नयाँ डाइनामिक्सहरु आइरहेको उहाँले चर्चा गर्नुभयो । त्यो डाइनामिक्सले नेपाल—भारत सम्बन्धलाई र दक्षीण एशियालाई अझ बढी घनिष्ट र सहकार्यको बाटोबाट, पारस्परिक समझदारीको बाटोबाट अगाडि बढ्न आह्वान गरिरहेको छ । भारतले जसरि तरक्कि गरिरहेको छ त्यो तरक्किसँग नेपाल पनि कुनै न कुनै हिसावले जोडिन चाहेको उहाँले धारणा राख्नुभयो ।
छरछिमेकमा आइरहेका विकासहरु सँगसँगै छोटो समयमा जनतालाई एउटा सुखी जीवन दिने नेपाली राजनीतिक दलहरुको चाहना रहेको उहाँले बताउनुभयो । नेपालको विकासको चाहनामा, विकासमा छिटो रुपान्तरण चाहने नेपालको चाहनामा भारत अझै बढी उदार भएर सहयोगी बनोस् उहाँले सुझाव दिनुभयो । फरक प्रसंगमा उपमहासचिव ज्ञवालीले लोकतन्त्रको विकल्प सुदृढ लोकतन्त्र मात्र हुनसक्ने बताउनुभयो ।
