पूर्वराजा ज्ञानेन्द्र शाहको स्वागत-नाममा राजावादीहरुको काठमाडौँमा शक्ति प्रर्दशन
पूर्वराजा ज्ञानेन्द्र शाह पश्चिम नेपालको केही समयको भ्रमण पूरा गरी आज काठमाडौँ फर्के अवसरमा उनलाई राजवादी संघसंस्थाहरु तथा पार्टीहरुले सार्वजनिक स्वागत गर्दै आफनो शक्ति प्रर्दशन गरेका छन । खासगरि राप्रपाले पुर्वघोषीत आफनो आमसभा स्थगीत गरेर पुर्वराजा शाहलाई स्वागत गर्न आफना समर्थकहरुलाई काठमाडौको विमानस्थलमा आउन अपिल जारी गरेका थिए । त्यस पछि उक्त कार्यक्रम प्रति समर्थन जनाउदै दुुर्गा प्रसाई, कमल थापा लगायतको समुहले त्यसमा सामेल हुने घोषणा गरेका थिए ।
आईतवार दिउसो त्रिभुवन अन्तरराष्ट्रिय विमानस्थलबाट बाहिरिने क्रममा राष्ट्रिय प्रजातन्त्र पार्टी (राप्रपा) लगायत राजनीतिक दलका नेता तथा कार्यकर्तासहित पूर्वराजा समर्थित व्यक्ति तथा सङ्घसंस्थाले शाहलाई स्वागत गरेका थिए ।
पूर्वराजाको स्वागतमा विमानस्थलको मूल ढोकाबाहिर उभिएका अधिकांशको हातमा राष्ट्रिय झन्डा देखिन्थ्यो ।
राप्रपासहित पूर्वराजा समर्थित विभिन्न समूहको आह्वानमा भएको यस किसिमको कार्यक्रमबाट विमानस्थल–चक्रपथ क्षेत्रको यातायात व्यवस्था प्रभावित भएको थियो । विमानस्थल क्षेत्रको संवेदनशील पक्षलाई दृष्टिगत गरी सुरक्षा व्यवस्था कडा गरिएको थियो ।
पोखरा केन्द्रित भई आसपासका क्षेत्रको धार्मिक भ्रमणमा निस्कनुभएका पूर्वराजा ज्ञानेन्द्र आज पोखराबाट काठमाडौँ आउनुभएको हो ।
पछिल्लो समयमा राप्रपा लगायतका राजवादी समर्थक पार्टी तथा संघसंस्थाहरुले देशभरका विभिन्न ठाउहरुमा प्रर्दशनहरु गर्दै आएका छन ।
