पूर्व प्रतिनिधिसभा सदस्य साह माओवादी केन्द्रमा प्रवेश

जसपा नेपालका पुर्व नेता तथा सर्लाही क्षेत्र नं १ का पूर्व प्रतिनिधिसभा सदस्य प्रमोद साह नेकपा (माओवादी केन्द्र) मा प्रवेश गर्नुभएको छ। साहलाई शुक्रबार दिउँसो सर्लाही सदरमुकाम मलङ्गवामा आयोजित आभसभामा नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ले पार्टी प्रवेश गराउनुभएको हो।

अध्यक्ष उपेन्द्र यादवको कार्यशैलीप्रति असन्तुष्टि व्यक्त गर्दै साहले केही साताअघि जनता समाजवादी पार्टी परित्याग गर्नुभएको थियो। साह २०७४ सालमा तत्कालीन राष्ट्रिय जनता पार्टी (राजपा) बाट प्रतिनिधिसभा सदस्यमा निर्वाचित हुनुभएको थियो। साहसँगै उहाँकी पत्नी एवं पूर्व मधेश प्रदेशसभा सदस्य नीरा साह माओवादी केन्द्रमा प्रवेश गर्नुभएको छ।