मधेसकेन्द्रित दलहरुद्धारा मोर्चाबन्दीको अवधारणा बनाउन कार्यदल गठन
मधेसकेन्द्रित आठ दलले आठ सदस्यीय कार्यदल गठन गरेका छन् । बिहीबार सिंहदरबारमा बसेको सबै दलबाट १/१ जना हुने गरी कार्यदल बनाएका हुन् । बैठकले बैठकमा जसपा इस्तियाक राई, जनमतबाट शरद सिंह यादव, जसपा नेपालबाट मनिष सुमन, नागरिक उन्मुक्तिबाट गंगाराम चौधरी, लोसपाबाट लक्ष्मणलाल कर्ण, राष्ट्रिय मुक्ति पार्टी केशव झा मेहता, जनता प्रगतिशीलबाट शिवजि यादव र लोसपाबाट ब्रजेश सिंह रहेको कार्यदल गठन गरिएको छ ।
आठ दल सम्मिलित कार्यदलले साझा एजेण्डा तय गर्न मस्यौदा बनाउने, कार्यदलमा भएका विषय दलमा राख्ने, विधेयकमा समान धारणा लगातयका कार्य गर्ने नेताहरुले बताएका छन ।
नेताहरुका अनुसार सरकारले ल्याएका विधेयकमा साझा धारणा बनाएर संसदमा रहेका दलले कस्तो रुपमा प्रस्तुत हुने बारेमा समेत विहिवार मधेशी नेताहरुको विचमा छलफल भएको छ । बैठकमा साझा धारणा सार्वजनिक गर्न ढिला गर्न नहुनेमा सबै दल एकमत भए पछि कार्यदल गठन गरेका हुन ।
अब कार्यदलको नियमित बैठक बस्ने र त्यसले मोर्चाका लागी अवधारणा र एजेण्डा तय गर्ने नेताहरुले जानकारी दिएका छन ।
