नटेर्ने मन्त्री फेर्न नसके बालुवाटारबाट डेरा सार्न प्रधानमन्त्रीलाई गगन थापाको सुझाव – Nepalboli

नटेर्ने मन्त्री फेर्न नसके बालुवाटारबाट डेरा सार्न प्रधानमन्त्रीलाई गगन थापाको सुझाव

   १० असार २०८१, आईतवार  

नेपाली कांग्रेसका महामन्त्री गगनकुमार थापाले प्रधानमन्त्रीले भनेको नटेर्ने मन्त्री फेर्न सुझाव दिएका छन्।  आइतबारको प्रतिनिधि सभा बैठकमा बोल्दै महामन्त्री थापाले यदि भनेको नटेर्ने मन्त्री हटाउन नसक्ने हो भने प्रधानमन्त्री पुष्पकमल दाहाल प्रचण्डलाई आफैं बालुवाटारबाट डेरा सार्न तयार हुन सुझाव दिएका हुन्।

स्थानीय सरकार प्रमुखहरूले सम्मानिकरण अनुदान १०० प्रतिशत नै चाहिन्छ भनेर भनेको विषय पनि उनले सुनाए। तर प्रधानमन्त्रीले भन्नुभएछ, मेरो त मन छ तर मन्त्रीले मानेनन्,’ प्रधानमन्त्री दाहाललाई लक्षित गर्दै थापाले भने, ‘यो संसदीय व्यवस्था हो, नटर्ने मन्त्री फेर्ने, फेर्न नसके सिंहदरबार र बालुवाटारबाट डेरा सर्ने।’

थापाले स्थानीय तहहरूलाई दिइने सम्मानिकरण अनुदान कटौती गर्न नहुने बताएका छन्। सम्मानिकरण अनुदान स्थानीय सरकारको संवैधानिक हक र संघीय सरकारको संवैधानिक दायित्व रहेको उनले बताए।
‘तर संघीय सरकारले बकस दिएको जस्तो गरेको छ, यसपालि पनि त्यस्तै भयो। स्रोत छैन भनेर सात प्रतिशत सम्मानिकरण अनुदान कम गरेर दिने भन्ने कुरा आएको छ,’ प्रतिनिधि सभाको आइतबारको बैठकमा कांग्रेसका महामन्त्रीसमेत रहेका थापाले भने, ‘वडाको क्षेत्राधिकारमा बजेट हाल्न नलजाउने अनि स्रोत छैन भनेर कटौती गर्नेरु यो अस्वीकार्य छ।’

 

फेसबुकबाट तपाईको प्रतिक्रिया सबै