भारतका लागि नेपाली राजदूत शर्माले भेटे भारतीय विदेशमन्त्री
भारतको जम्मु काश्मिरको पहलगाममा भएका आतङ्ककारी हमलाको बारेमा भारताक लागि नेपाली राजदूत डा शंकरप्रसाद शर्माले भारतीय विदेशमन्त्री एस जयशंकरलाई भेटेर संवेदना प्रकट गरेका छन् । सो क्रममा मन्त्री जयशंकरले आतङ्ककारी घटनामा एक जना नेपालीको मृत्यु भएकोमा संवेदना प्रकट गरेका छन् ।
आतङ्कवादी हमलाको क्रममा नेपाली नागरिक सुदीप न्यौपानेको हत्या भएको थियो । त्यसमा मन्त्री जयशंकरले दुख व्यक्त गर्दै न्यौपानेका परिवार तथा नेपालीप्रति संवेदना प्रकट गरेका छन् ।
उनीहरूको बिचमा नेपाल-भारतको बिच रहेका समग्र सम्बन्धको बारेमा समीक्षा पनि गरेको भारतस्थित नेपाली दुतावासले जनाएको छ । साथै दुई पक्षीय सम्बन्धका विकासको बारेमा कुराकानी भएको भारतीय विदेश मन्त्रालयले जनाएको छ ।
वैशाख ९ गते भएको आतकंकारी हमलापछि प्रधानमन्त्री केपी शर्मा ओलीले भारतका प्रधानमन्त्री नरेन्द्र मोदीलाई फोन गरेर संवेदना प्रकट गरेका थिए ।
