भारतीय राजदूतावासद्धारा राजदूत आमन्त्रित गल्फ प्रतियोगिता २०२५ को आयोजना

काठमाडौँस्थित भारतीय राजदूतावासले गोकर्ण फरेस्ट रिसोर्टमा राजदूत आमन्त्रित गल्फ प्रतियोगिता २०२५ को आयोजना गरेको छ । शनिवार भएको सो कार्यक्रममा परिचित गल्फरहरू र सरकारी अधिकारीहरू, कूटनीतिज्ञहरू र गल्फप्रेमीहरूको उपस्थिति थियो। भारतीइ राजदुत नवीन श्रीवास्तवले पुरस्कार विजेताहरू तथा सहभागिहरुको प्रशंसा गरे ।

यस्ता खेलकुद कार्यक्रमहरू मार्फत भारत र नेपालको सम्बन्धलाई बलियो बनाउने र नेपालको गल्फ समुदायलाई निरन्तर उत्प्रेरित गर्ने राजदुत श्रीवास्तवले इच्छा व्यक्त गर्नुभयो। नेपालको गल्फ समुदायमा युवा प्रतिभाहरूलाई प्रोत्साहन गर्नको लागि राजदूतले यस अवसरमा दुई आशाजनक गल्फरहरूलाई नेरु १,००,००० को चेक पनि प्रदान गर्नुभयो।

काठमाडौँस्थित भारतीय दूतावासले भारतीय राजदूत गल्फ प्रतियोगिता २०२५ का सबै विजेताहरूलाई बधाई समेत दिएका छन ।