महाकुम्भमा पवित्र स्नान गर्न भारतीय राष्ट्रपति र प्रधानमन्त्री जाने

अहिले सम्म आठ करोडभन्दा बढी दर्शनार्थी सहभागी

भारतको उत्तरप्रदेशको प्रयागराजमा जारी सनातनहरुको सबै भन्दा ठुलो धार्मिक मेला महाकुम्भमा भारतीय राष्ट्रपति र प्रधानमन्त्रीले स्नान गर्ने भएका छन । भारतीय संचारमाध्यमहरुका अनुसार फरबरी ५ तारिखमा भारतका प्रधानमन्त्री नरेन्द्र मोदी महाकुम्भमा स्नान गर्ने कार्यक्रम बनाएका छन भने राष्ट्रपतिले १० फरबरीमा महाकुम्भ स्नान गर्ने कार्यक्रम बनाएका छन ।

महाकुम्भमा अहिले सम्म जनवरी २० सम्ममा सङ्गम त्रिवेणीमा आठ करोडभन्दा बढी तीर्थयात्रीले स्नान गरेको उत्तर प्रदेश सरकारले जनाएको छ । यसअघि सोमबार बिहान ८ बजेसम्म २२ लाखभन्दा बढी तीर्थयात्रीले मेला दर्शन गरेको आधिकारिक तथ्याङ्कले देखाएको छ ।

सनानत हिन्दु धर्मालम्बीहरुको सबै भन्दा ठुुलो उत्सवको रुपमा रहेको महाकुम्भ १३ जनवरीबाट सुरु भएर फेब्रुअरी २६ सम्म चल्नेछ ।