भिजिट भिसा प्रकरणमा तत्कालीन गृहमन्त्री रमेश लेखकको बयान लिने अन्तिम तयारी

भिजिट भिसा प्रकरणमा अख्तियार दुरुपयोग अनुसन्धान आयोगले तत्कालीन गृहमन्त्री रमेश लेखकको बयान लिने अन्तिम तयारी गरेको छ । लेखक संगै तात्कालिन गृहसचिबको पनि बयान लिने तयारी छ ।

आयोगले उक्त प्रकरणमा अनुसन्धान अघि बढाउँदै तत्कालीन गृहमन्त्री रमेश लेखक र तत्कालीन गृहसचिव गोकर्णमणि दुवाडीलाई बयानका लागि बोलाउने तयारी गरेको हो ।

“उच्च नेतृत्वलाई नै बयानका लागि बोलाउने निर्णय भएको छ,” स्रोतले भन्यो, “अनुसन्धानले देखाएको आधारमा सम्भवतः यही साताभित्र दुवै जनालाई बोलाएर बयान लिने तयारी भइरहेको छ ।”