सगरमाथा संवादमा सहभागी हुनका लागी भारतीय मन्त्री भूपेन्द्र यादव नेपालमा

भारतका वातावरण, वन तथा जलावायु परिवर्तन मन्त्री भूपेन्द्र यादव नेपाल भ्रमणका लागि आज नेपाल आइपुगेका छन् । उनी सगरमाथा संवादमा सहभागी भारतीय प्रतिनिधिमण्डलको नेतृत्व गर्दै नेपाल भ्रमणमा आएका हुन् ।

आज अपरान्ह काठमाडौं आइपुगेका मन्त्री यादवलाई त्रिभुवन अन्तर्राष्ट्रिय विमानस्थलमा वन तथा वातावरणमन्त्री ऐनबहादुर शाही ठकुरीले स्वागत गरेका थिए । सगरमाथा संवाद भोलि जेठ २ देखि ४ गतेसम्म काठमाडौंमा शुरू हुँदैछ ।

यादव काठमाडौ आए पछि समाजिक सन्जालमा नेपाल सरकारद्वारा आयोजित सगरमाथा संवादमा सहभागी हुन काठमाडौँ, नेपालमा आइपुगेको बताउदै यसक्रममा आफु हिमालयलाई जलवायु परिवर्तनबाट जोगाउने र पारिस्थितिक प्रणाली र यसमा निर्भर समुदायहरूको भविष्यको संरक्षण गर्ने भारतको दृष्टिकोण प्रस्तुत गर्ने उल्लेख गरेका छन ।